Meta nhar it-Tlieta filgħaxija, 25 ta’ Jannar 2012 l-Isqof t’Għawdex Mons Mario Grech qaddes quddiesa għall-Għawdxin impenjati fil-midja lokali u nazzjonali fl-okkażjoni tal-festa ta’ San Franġisk de Sales fil-knisja tas-Sorijiet Frangiskani tal-Qalb ta’ Ġesù, Victoria, huwa wassal dan il-messaġġ:

“Iċ-ċiviltà tal-lum mhux biss tatna mezzi tal-komunikazzjoni li huma kanali importanti għat-tixrid tal-informazzjoni, imma l-istess mezzi saru ħtieġa biex il-bniedem ikun jista’ jipparteċipa fit-tiswir tal-istess ċiviltà. Fis-soċjetà tagħna min ma għandux il-possibiltà li jieħu sehem attiv fil-midja qed jiġi mċaħħad minn jedd ċivili importanti. Soċjetà li tippermetti li individwi jew gruppi jkunu b’mod sistematiku maqtugħa mix-xibka medjatika, tkun qed tiddiskrimina, temarġina u teskludi. (more…)

Omelija ta’ Mons Isqof Mario Grech
Festa tal-Konverżjoni ta’ San Pawl
Knisja tal-Konverżjoni ta’ San Pawl, Marsalforn – L-Erbgħa 22 ta’ Jannar 2012
Bniedem konvint minnu nnifsu
Fil-ħajja mhix sitwazzjoni ideali meta minħabba d-dubji u l-inċertezzi li jkollu wieħed qatt ma jieħu pożizzjoni dwar xejn. L-indeċiżjoni tirrendi lill-bniedem dgħajjef u mifxul. In-nuqqas ta’ determinazzjoni tant hu serju li xi darba jkun aħjar li minkejja n-nuqqas ta’ ċertezza wieħed jieħu deċiżjoni milli jibqa’ sospiż u ma jafx x’jaqbad jagħmel!

Imma jekk fil-ħajja mhux sew li wieħed ikun mikul bid-dubji, daqshekk ieħor jista’ joħloq tħassib bniedem li huwa wisq ċert minnu nnifsu! Hawn karattri li tant huma kunfidenti magħhom infushom li jaslu biex jaħsbu li dak li jgħidu huma biss huwa tajjeb. Dawn it-talin ikunu tant determinati li kapaċi jkunu ta’ rashom u mhux lakemm jibdlu fehmithom. (more…)

Nhar il-Ġimgħa 27 ta’ Jannar 2012 filgħaxija l-Kummissjoni Familja tad-Djoċesi t’Għawdex organizzat Konferenza Djoċesana bit-tema “Familja soda, soċjetà b’saħħitha”. Fid-diskors tiegħu l-Isqof Mario Grech wassal dan il-messaġġ:

“Huwa fatt li l-familja saret sfida diffiċli mhux biss għall-Knisja imma wkoll għas-soċjetà tagħna. Ħafna jiddependi mill-għażliet tagħna llum jekk din l-isfida tintrebaħx jew tintilifx. Mistoqsija importanti li hemm bżonn nagħmlu hija jekk aħniex ser nibqgħu inħarsu lejn il-familja bħala istituzzjoni soċjali li għandha damma ta’ drittijiet u dmirijiet – istituzzjoni li s-soċjetà tirrikonoxxilha ċ-ċittadinanza!

Huwa minnu li kull ma jmur l-Ewropa, kemm bħala entità politika kif ukoll kulturali, qed issib diffikultà kif tirrelata mal-familja. Kien hemm żmien meta l-Unjoni Ewropea kienet turi interess ġenwin fil-familja; imma mbagħad bidlet ir-rotta! Ċediet għall-pressjoni ta’ xi gruppi u bidlet in-nuċċali, tant li llum l-Ewropa saret issib diffikultà li tqis il-familja bħala oġġett-suġġett ta’ interess komuni. Kieku huma diversi dawk l-istituzzjonijiet pubbliċi li jagħmlu stqarrijiet u dikjarazzjonijiet uffiċċjali fejn jagħrfu li l-familja hija ċellula naturali u fundamentali tas-soċjetà u għandha d-dritt li tkun imħarsa mis-soċjetà u mill-Istat (art 16., Dikjarazzjoni Universali tad- Drittijiet Umani, ONU, 1948). Però, jekk nosservaw x’qed jiġri madwarna, faċli nintebħu li l-politika sejra f’direzzjoni opposta! (more…)

APPLIKAZZJONI GHAD-DĦUL FL-ISKEJJELTAL-KNISJA F’GĦAWDEX
FI KLASSI KINDER 1 2012-2013

N.B. lt-tfal iridu jkunu twieldu fl-2009

1. Il-formoli tal-applikazzjoni għal Kinder 1, mimlija kif suppost u bid-dokumenti meħtieġa magħhom, iridu jiġu ppreżentati l-Kurja, Rabat, Għawdex, mit-Tnejn sal-Ġimgħa (barra l-Ħamis) 23-27 ta’ Jannar 2012 bejn id-9.00am u l-11.30 a.m.

2. Għas-sena skolastika 2012-2013, in-numru totali ta’ tfal Subien u Bniet li jiġu ammessi f’Kinder 1 fl-Iskejjel tal-Knisja f’Għawdex ma jkunx jaqbeż il-106 (massimu ta’ 53 tfal subien u 53 tfal bniet).

3. It-tfal li jidħlu BIL-POLZA fil-Kinder 1 fl-Iskejjel tal-Knisja f’Għawdex għandhom id-dritt li jkomplu telgħin fis-Seminarju Minuri tal-Qalb ta’ Ġesù (fil-każ ta’ subien) u fl-Iskola Sekondarja tal-Konservatorju tal-Isqof (fil-każ ta’ bniet). (more…)

 Il-Kummissjoni Familja ggedded l-appuntament annwali, ghall-Konferenza Djocesana li ser tinzamm nhar il-Gimgha li gejja, 27 ta’ Jannar fis-sala Villa Fiorita.  Is-suggett ghal din is-sena hu familja soda, socjeta b’sahhitha u bhala kelliem ewlieni ser ikollna maghna  lil d.Carlo Bresciani, psikologu, psikoterpista tal-familja, moralista u konsultur tas-Santa Sede.
(more…)

Żgħażagħ miftuħa għall-ħajja hi t-tema magħżula mill-Konferenza Episkopali Taljana  għal Jum il-Ħajja 2012.  Dar Ġużeppa Debono, li qed twettaq diversi inizjattivi interessanti biex ixxerred il-“kultura tal-ħajja” fost id-diversi kategoriji tas-soċjetà Maltija, sa tfakkar dan il-Jum b’għadd ta’ attivitajiet, għax temmen bis-sħiħ li “iż-żgħożija vera tinsab u tiffjorixxi f’min ma jingħalaqx għall-ħajja”.  Fil-fatt, bosta huma ż-żgħażagħ li jwettqu ħidma volontarja fi ħdan din l-entità Għawdxija.

Nhar il-Ħadd 5 ta’ Frar, fil-5.00pm, l-Isqof ta’ Għawdex Mons. Mario Grech sa jmexxi Konċelebrazzjoni Solenni fis-Santwarju Ta’ Pinu.  Imma siegħa qabel, fl-4.00pm, il-pubbliku hu mistieden jieħu sehem f’mixja simbolika, bis-sehem tal-voluntiera u l-istudenti ta’ l-iskejjel Għawdxin, li titlaq mnejn is-siġra li tinsab fil-bidu tat-triq li tieħu għas-santwarju.  Tul din il-mixja, sa jsiru disa’ waqfiet żgħar li fihom jinqraw riflessjonijiet qosra fuq diversi temi marbuta mal-valur tal-ħajja miktuba minn Dun Richard N. Farrugia.  Dawn il-waqfiet ikunu animati wkoll bi preżentazzjoni koreografika mill-istudenti ta’ l-Academy of Dance.  In-numru disgħa ġie magħżul apposta biex jissimbolizza x-xhur tat-tqala fil-ġuf ta’ l-omm.

Fl-istess ġurnata, fuq iz-zuntier jew fit-taraġ prinċipali ta’ diversi knejjes parrokkjali f’Għawdex sa jitwaħħlu ma’ l-art speċi ta’ passi kkuluriti li jwasslu messaġġi pożittivi fuq il-ħajja lil min ikun dieħel fil-knisja għall-Quddiesa.  Sa jsiru wkoll Quddies u adorazzjonijiet b’talb speċjali għall-ħidma favur il-ħajja.
(more…)

 Niżżel in-newsheet minn hawn

• Newsheet tal-Għaqdiet Kattolici - Frar 2012

Diskors dwar l-ispiritwalità tal-Fundatriċi tas-Sorijiet Franġiskani tal-Qalb ta’ Ġesù, Madre Margerita De Brincat,
li sar minn Mons. Ġużeppi Gauci waqt il-Quddiesa ta’ Radd il-Ħajr
li ġiet iċċelebrata mill-Isqof Mario Grech fil-knisja tal-Casa Madre tal-istess sorijiet,
fl-okkażjoni tas-sittin anniversarju mill-mewt glorjuża tagħha
Il-Ħadd 22 ta’ Jannar 2012

“Indmu u emmnu fil-Bxara t-Tajba” (Mk 1:15)

Il-qari liturġiku ta’ dan it-Tielet Ħadd Matul is-Sena B hu sejħa qawwija għall-konverżjoni u fl-istess ħin jindikalna kif għandha tkun it-tweġiba tagħna għal din is-sejħa.  Kliem Kristu, “Indmu u emmnu fil-Bxara t-Tajba” (Mk 1:15), hu l-messaġġ ċentrali tal-Liturġija.  L-istess messaġġ jagħtihulna San Pawl fis-silta tat-tieni qari mill-Ewwel Ittra lill-Korintin, meta jitlobna ma nkunux tad-dinja aħna u ngħixu fiha, “għax is-sura ta’ din id-dinja għad tgħaddi” (7:31).  L-ewwel qari mill-Ktieb tal-Profeta Ġona fissrilna kif il-Mulej talab lil Ġona jmur Ninwè jsejjaħ lill-poplu għall-konverżjoni: “Qum, mur f’Ninwè, il-belt il-kbira, u xandrilha l-messaġġ li ngħidlek jien” (3:1).

Min-naħa l-oħra, l-istess Liturġija tenfasizza l-mod kif għandha tkun it-tweġiba għal din is-sejħa tal-konverżjoni.  Il-Vanġelu jitlob prontezza mingħajr kundizzjonijiet, kif ġara fit-tweġiba tal-Appostli li “minnufih telqu kollox u marru warajh” (Mk 1:17, 20), jiġifieri wara Ġesù.  San Pawl talab lill-Korintin biex “dawk li jgawdu d-dinja jgħixu bħallikieku ma jgawduhiex” (1 Kor 7:31), filwaqt li n-nies ta’ Ninwè, meta semgħu l-predikazzjoni ta’ Ġona, “emmnu f’Alla, nedew sawma u libsu lbies tal-ixkejjer mill-kbar saż-żgħar” (Ġona 3:5). (more…)

Nhar it-Tlieta, 24 ta’ Jannar 2012 taħbat il-festa ta’ San Franġisk de Sales, Isqof ta’ Ġinevra u Patrun tal-Ġurnalisti u Kittieba.  Għal din l-okkażjoni. Mons Isqof Mario Grech se jqaddes u jwassal messaġġ għall-Gurnalisti u kittieba Għawdxin u għal dawk kollha li huma impenjati fil-qasam tal-midja. Il-quddesa tkun fil-5pm fil-knisja tas-Sorijiet Franġiskani tal-Qalb ta’ Ġesù fi Triq Palma Victoria.  Wara l-quddiesa Mons Isqof jieqaf jitkellem ma’ dawk preżenti f’waħda mis-swali tal-kunvent ta’ dawn is-sorijiet li ta’ kull sena jilqgħu din l-okkażjoni organizzata mill-Għaqda Ġurnalisti Għawdxin imwaqqfa lura fis-sena 1960 mill-Kav Koli Apap u l-Isqof Mons Nikol Cauchi.

Kav Joe M Attard
Segretarju

Is-sens tal-misteru fl-esperjenza tal-fidi

Omelija ta’ Mons Isqof Mario Grech
Quddiesa fl-okkażjoni tas- Sitt Anniversarju mill-Ordinazzjoni Episkopali tiegħu
Knisja Ragħaj it-Tajjeb, Il-Ġimgħa 20 ta’ Jannar 2012

Il-“misteru” bħala metodoloġija ta’ Alla
F’soċjetà bħal tagħna, li qed issir dejjem aktar konvinta li bir-raġuni tista’ tfisser kollox u jimpurtaha biss milll-effiċjenza, faċli li nitilfu s-sens tal-misteru f’dak li jirrigwarda lil Alla u dak li għandu x’jaqsam miegħu. F’dan il-kuntest jeżisti r-riskju li l-Knisja nikkunsidrawha bħala organizzazzjoni umana b’għanijiet umani, u l-ministri tagħha nqisuhom sempliċi funzjunarji li qegħdin hemm biex jassiguraw li l-istituzzjoni tibqa’ wieqfa! (more…)